Նույնիսկ սրիկա Սերժի օրոք փակ չի եղել եկեղեցու հարակից հատվածը․ Փոստանջյանը չկարողացավ մոտենալ հուշակոթողին

Քիչ առաջ վարչապետի պաշտոնակատար Նիկոլ Փաշինյանը ծաղկեպսակ դրեց Գյումրու Սուրբ Ամենափրկիչ եկեղեցու բանկում տեղադրված՝ երկրաշարժի զոհերի հիշատակին նվիրված կոթողին։ 
Փաշինյանը հանդես եկավ ելույթով և նշեց, որ գյումերցիները բազմիցս չարչարանքներ են տեսել, այսօրվանից պետք է ամեն ինչ արվի, որպեսզի  վերջ   տրվի գյումրեցու  տառապանքներին։

Գյումրիում  են նախկին և ներկա պաշտոնյաններ, այդ թվում՝ ԵԾ նախագահ Զարուհի Փոստանջյանը, որը մեզ հետ զրույցում արտահայտեց իր դժգոհությունը՝ ասելով․ «Նույնիսկ սրիկա Սերժի օրոք փակ չի եղել եկեղեցու հարակից հատվածը»։

Նշենք, որ եկեղեցու հարակից հատվածում  երկաթե արգելապատնեշ են տեղադրել, որոնք հսկում են ոստիկանները, ժողովուրդը չի կարողանում անցնել  և մոտենալ հուշակոթողին։ Զարուհի Փոստանջյանը ևս ծաղիկները ձեռքին չկարողացավ անցնել արգելապատնեշը։