Վարչապետի հերթական անսկզբունքայնության մասին
Ոչ վաղ անցյալում, մեր սիրելի Վարչապետն իր բարոյագիտական ճառերից մեկը նվիրեց տխրահռչակ Արմեն Սարգսյանին, մասնավորապես ասելով՝
«Ես ուշադիր նայեցի ձեր կենսագրությունը, ՀՀ քաղաքացիություն ունենալ չունենալը համընկնում է ՀՀ-ում պաշտոն ունենալ-չունենալու հետ: […] Այստեղ հարց է առաջանում՝ ՀՀ քաղաքացիությունից հրաժարված և միայն պաշտոնի համար քաղաքացի դարձած անձը բարոյական իրավունք ունի՞ ՀՀ նախագահ ընտրվելու:»
Օրերս հայտնի դարձավ, որ Սփյուռքի գործերի նորանշանակ գլխավոր հանձնակատար Սինանյանը ՀՀ քաղաքացիություն է ստացել այս տարվա մայիսի 30-ին, այն էլ` Վարչապետի որոշմամբ ՀՀ-ում պաշտոն ստանալուց 2 շաբաթ առաջ:
Հիմա, այստեղ էլ է հարց առաջանում, այն է՝ ՀՀ քաղաքացիությունից, հավանաբար, Հայոց բանակում չծառայելու նպատակով, հրաժարված և միայն պաշտոնի համար ՀՀ քաղաքացի դարձած Սինանյանը բարոյական իրավունք ունի՞ Վարչապետի hանձնակատար լինելու, այն էլ՝ Սփյուռքի գործերով…Ո՞ր լուրջ սփյուքահայը կվստահի այս պաշտոնյայի հայրենասիրական խոսք-կոչերին:
Հեչ լավ չի, մեր սիրելի Վարչապետ, որ նման անսկզբունքայնությամբ քայլ առ քայլ որակազրկում եք հայաստանցուս ձեռք բերած «հեղափոխությունը»…Ամո՛թ:
Ռուբեն Թորոսյան
ՀՀ ԳԽ Նախագահության անդամ
Կարծիքներ