Ամանորի գիշերը բաց կլինեն Հայ Առաքելական բոլոր եկեղեցիները
Սիրով հրավիրում ենք Ամանորը միասին դիմավորելու
Արդեն ձևավորված գեղեցիկ ավանդույթով Ամանորի գիշերը բաց կլինեն Հայ Առաքելական բոլոր եկեղեցիները: Հրավիրում ենք ամենքին Ամանորը դիմավորելու Եկեղեցում: Ամանորի գիշերը` ուղիղ կեսգիշերին, բոլոր եկեղեցիներում կկատարվի Գոհաբանական մաղթանք, որի ընթացքում հոգևորականների առաջնորդությամբ հավատավոր հայորդիներն աղոթք կառաքեն առ Աստված մեր Հանրապետության բարօրության ու խաղաղության համար:
Ն.Ս.Օ.Տ.Տ. Գարեգին Բ Ամենայն Հայոց Հայրապետի բարձր տնօրինությամբ արարողության ավարտին կկատարվի նռան օրհնության կարգ: Տոնական ժամանակացույց
Հունվարի 1-ին` ժամը 00.00-ին, կկատարվի Գոհաբանական մաղթանք և Նռան օրհնության կարգ: Հունվարի 1-ին՝ ժամը 11.00-ին, կմատուցվի Ս. Պատարագ, որի ավարտին կկատարվի Հայրապետական մաղթանք:
Հունվարի 5-ին` ժամը 17:00-ին, կմատուցվի Ս. Ծննդյան Ճրագալույցի Ս. Պատարագ:
Հունվարի 6-ին` ժամը 10:30-ին, կմատուցվի Ս. Ծննդյան Ս. Պատարագ:
Հունվարի 7-ին` ժամը 10:30-ին, կմատուցվի Ս. Պատարագ` ի հիշատակ ի Տեր հանգած հավատավորների:
Կարծիքներ