Հրազդանի քաղաքապետարանում կերուխումի փոխարեն կբարձրանա աշխատակիցների աշխատավարձը
Հրազդանի համայնքապետարանում այս տարի տոնական միջացառում չի լինելու, փոխարենը Ամանորին պարգեւավճարներ կտրվի քաղաքապետին, քաղաքապետի օգնականներին, խորհրդականներին, բաժնի պետերին 100 %-ի չափով 1 անգամ, իսկ մնացած աշխատակիցները, որոնց աշխատավարձ կազմում էր 80.000-110.000 դրամ, կբարձրանա 30%-ով:
Այս մասին մեզ ասաց համայնքապետարանի աշխատակազմի ֆինանսական բաժնի պետ՝ Արևիկ Եփրեմյանը:
Քաղաքը զարդարելու համաւ համայնքի բյուջեից ծախսվել է 3 մլն. դրամ: Ի դեպ՝ Հրազդանում այս տարի տեղադրվեց նույն տոնածառը, սակայն այլ դիզայնով: Հրազդանի քաղաքապետի մամուլի խոսնակ Արամայիս Պողոսյանն էլ ասաց, որ անցած տարվա համեմատ Հրազդանն ավելի գեղեցիկ տեսք կունենա. «Նորովի ձևավորում է լինելու, տոնական տրամադրությունն էլ ապահոված կլինի:
Քաղաքի ձեւավորումը, գիշերվա Ձմեռ պապ, Ձյունանուշ, տոնական միջոցառում կազմում է 3 մլն. դրամ: 3 մլն. դրամի մեջ նաեւ մտնում է ՀԿ-ներում հաշվառված հաշմանդամ երեխաներին տոնական տոպրակները»:
Նշենք, որ այսօր երեկոյան Սահմանադրության հրապարակում տոնական տրամադրությամբ կմիանան համայնքի տոնածառի լույսերը:
Կարծիքներ