ՀՀ օդում մի քանի «կռուգներ» կանի ու նորից կիջնի Զվարթնոց, ուղևորները կունենան շլացուցիչ տպավորություններ
Ավիացիոն խորհրդատու Նավիկ Խաչատրյանը իր ֆեյսբուքյան էջում գրել է․
«Այս տարվա հունիսի 3-ին վարչապետը`լսելով Քաղավիացիայի կոմիտեի անտրամաբանական բացթողումների պաճառով Եվրոմիության կողմից ՀՀ-ում գրանցված օդանավերի մուտքը Եվրոպական երկրներ արգելելու, ՀՀ-ին այս թեմայով սև ցուցակ գցելու և այս հարցին միայն 2,5 տարի հետո անդրադառնալու մասին` հանձնարարեց 2 շաբաթվա ընթացքում մշակել և ներկայացնել գործողությունների պլան`այս ամոթալի խարանը երկրի ճակատից շուտափույթ մաքրելու համար։
Ոլորտի պատասխանատուներից կուզեի իմանալ այս թեմայով կա՞ որևէ նորություն, թե՞, ինչպես միշտ, ջրվեց- գնաց։ Կարելի է ենթադրել օրինակ, որ «Fly Armenia»-ն նորից կգա (անցած տարի չստացվեց), կբերի 47 հատ տարբեր տեսակի օդանավեր, երկրից կշահագործի 48 ուղղություններ, օդանավակայանում օդանավերի տեղ ու դադար չի լինի…ուղևորները իհարկե Ռուսաստան և Եվրոպա չեն թռնի, բայց կնստեն հարմարավետ օդանավեր, այն ՀՀ օդում մի քանի «կռուգներ» կանի ու նորից կիջնի Զվարթնոց, ուղևորները դրանով կունենան աննկարագրելի ու շլացուցիչ տպավորություններ… Եզնիկ Ողբացի
Կարծիքներ