Ոչ մի հայ իրեն մինչև վերջ չի ճանաչի, եթե չի եղել Գյումրիում
«Ես երբեք, նույնիսկ հեղափոխության օրերին, այս հրապարակն այսքան մարդաշատ չեմ տեսել: Սա նշանակում է, որ կյանքը հաղթել է,աշխատանքը հաղթել է, Գյումրին հաղթել Է: Այն ժամանակներում, երբ երկար տարիների ասպատակություններից հետո Հայաստանը կիսավեր, խրճիթային երկիր էր, Գյումրին եղել է Հայաստանի քաղաքային կյանքի ամենակարևոր կենտրոնը: Պահել է քաղաքային կյանքի ավանդույթը: Այս է պատճառը, որ պաշտում ենք Գյումրին: Բավական է Գյումրի ասելով հասկանանք աղետի գոտի: Սա չի նշանակում, որ 88-ի հետքերը վերացել են: Գյումրին դժվարությունների միջով անցել է, բայց ցուցադրում է ապրելու, ծաղկելու օրինակ, տնտեսական կյանքի իսկական կենտրոն է: Այս տարի անկախության տոնակատարությունները կենտրոնն է Գյումրին: Նոր ավանդույթի սկիզբ ենք դնում եւ այն սկսում ենք Գյումրիից: Հայտարարում եմ Գյումրու միամսյակ: Կոչ եմ անում՝ ովքեր ովքեր չեն եղել, անպայման գալ Գյումրի, ոչ մի հայ իրեն մինչև վերջ չի ճանաչի, եթե չի եղել Գյումրիում»,-Հանրապետության երկրորդ քաղաքի օրվան նվիրված ելույթում՝ նշեց վարչապետ Նիկոլ Փաշինյանը:
Կարծիքներ