Դավիթ Գրիգորյանը չի ենթարկվի կարգապահական պատասխանատվության. ԲԴԽ-ն մերժեց միջնորդությունը
Գրել էինք, որ Բարձրագույն դատական խորհրդում մեկնարկել է Երևանի ընդհանուր իրավասության դատարանի դատավոր Դավիթ Գրիգորյանին (լիազորությունները կասեցված են) կարգապահական պատասխանատվության ենթարկելու մասին ՀՀ արդարադատության նախարարության կողմից ներկայացված միջնորդության քննարկումը, այսօր ԲԴԽ-ն հրապարակելու է Գրիգորյանի վերաբերյալ որոշումը։
Միջնորդությունը, հիշեցնենք, ներկայացրել է արդարադատության նախկին նախարար Ռուստամ Բադասյանը։
Դատավորին կարգապահական պատասխանատվության ենթարկելու համար դիմող կողմը հիմք է ընդունել կայքերից մեկում հրապարակված հարցազրույցը դատավոր Դավիթ Գրիգորյանի հետ, որտեղ նա խոսել էր Սահմանադրական դատարանի կողմից ենթադրյալ սահմանադրական կարգի տապալման ՀՀ Քրեական օրենսգրքի 300.1 հոդվածը Սահմանադրությանը հակասող ճանաչելու որոշման մասին:
Դավիթ Գրիգորյանը եղել է ՀՀ երկրորդ նախագահ Ռոբերտ Քոչարյանի և մյուսների գործը քննող դատավորը:
Քիչ առաջ Բարձրագույն դատական խորհրդի նախագահի պարտականությունները կատարող Գագիկ Ջհանգիրյանը տեղեկացրեց, որ որոշում է կայացվել մերժել դատավոր Դավիթ Գրիգորյանին կարգապահական պատասխանատվության ենթարկելու վերաբերյալ միջնորդությունը։
Կարծիքներ