Ցուցարարները փակեցին Մաշտոցի պողոտան

Շարունակվում են «Դիմադրության» շարժման բողոքի անհնազանդության ակցիաները։

Նրանք այս պահին փակել են Մաշտոցի պողոտան և հարող Ամիրյան փողոցները։

«Առանց թուրքի Հայաստան» վանկարկումներով մասնակիցների մի մասը նստել է գետնին։

Ոստիկանությունը կրկին հայտարարում է, որ ակցիայի մասնակիցների գործողություններն անօրինական են և բացեն փողոցը։

Ի պատասխան Իշխան Սաղաթելյանն էլ նշեց. «Ձեր գործողություններն են անօրինական, որ առավոտից բիրտ ու անհամաչափ ուժ եք կիրառում»։