ԵՄ-ն 10 մլն եվրո կհատկացնի Հայաստանին․ նպատակը հայտնի է
Hraparak
18 Ապրիլ 2024 | 09:30
0
Եվրամիությունը նախատեսում է Հայաստանին հատկացնել 10 մլն եվրո, որը պետք է ծախսվի 2,5 տարվա ընթացքում մեկ գումարտակի համար մոդուլային դաշտային ճամբար ստեղծելու համար։ Այս մասին հայտնում է «Ազատություն» ռադիոկայանի հայկական ծառայությունը՝ դիվանագիտական փաստաթղթերին հղումով։
Նշվում է, որ օգնություն կտրամադրվի Խաղաղության եվրոպական հիմնադրամից։ Մոդուլային ճամբարը կներառի նաև բժշկական կլինիկա և հարակից ծառայություններ և հարմարություններ:
«Այս աջակցության նպատակն է օգնել Հայաստանի Զինված ուժերին բարձրացնել իր ճկունությունը և կայունություն հաստատելու կարողությունը և դրանով իսկ ավելի լավ պաշտպանել խաղաղ բնակիչներին ճգնաժամերի և արտակարգ իրավիճակների ժամանակ»,- ասվում է հրապարակման կողմից ձեռք բերված փաստաթղթում։
Կարծիքներ