Հայ Դատի հանձնախումբը դիմել է ԱՄՆ պետքարտուղարի օգնականին՝ Թուրքիային ԱԹՍ-ի վաճառքը դադարեցնելու հետ կապված 

Ամերիկայի «Հայ Դատի» հանձնախումբը (Հայ Ազգային Կոմիտե) նամակ է հղել ԱՄՆ պետքարտուղարի քաղաքական-ռազմական գործերով օգնական Ռենե Քլարկ Քուփերին՝ կոչ անելով դադարեցնել անօդաչու թռչող սարքերի, այլ ռազմական սարքավորումների, տեխնոլոգիաների վաճառքը Թուրքիային` Հայաստանի և Արցախի դեմ Ադրբեջանի սկսած պատերազմում գործուն մասնակցության պատճառով:

«17 հոկտեմբերի, 2020 թ

Ռ. Քլարկ Քուփերին,
Քարտուղարի քաղաքական-ռազմական գործերով օգնական
Մ.Ն. պետքարտուղարություն
2201 C փողոց, ՀԱ
Վաշինգտոն, 20520

Հարգելի պարոն քարտուղարի օգնական.

Ես գրում եմ հայկական ժառանգության ամերիկացի քաղաքացիների անունից, որպեսզի խնդրեմ, որ դուք անմիջապես կասեցնեք ռազմական կամ կրկնակի օգտագործման սարքավորումների կամ տեխնոլոգիաների ցանկացած վաճառքը Թուրքիային՝ ինչպես ուղղակի, այնպես էլ երրորդ կողմի միջոցով` Արցախի և Հայաստանի դեմ Ադրբեջանի պատերազմում Անկարայի ակտիվ մասնակցության պատճառով: Այս կասեցումը, մասնավորապես, պետք է ներառի դրոնային սենսորների (ջերմային պատկերման և լազերային նշանակման համակարգեր) վաճառքը, տեղափոխումը կամ երրորդ կողմին փոխանցումը:

Հաշվի առնելով Թուրքիայի աջակցությամբ շարունակվող ադրբեջանական ագրեսիան, որն ուղղված է հայերի դեմ, այդ թվում` Հայաստանում և Արցախում բնակվող ամերիկացի քաղաքացիների դեմ՝ մենք նաև խնդրում ենք, որ Քաղաքական-ռազմական գործերի գրասենյակը տրամադրի Թուրքիային կամ Ադրբեջանին վերաբերող ԱԹՍ-ների կամ ԱԹՍ-ների հետ կապված սարքավորումների կամ տեխնոլոգիաների անցած, ընթացիկ կամ նախատեսվող ռազմական վաճառքի հրապարակային հաշվառումը ։

Շնորհակալություն այս խնդրանքին արագ ուշադրություն դարձնելու համար:

Հարգանքներով ՝

[ստորագրված]
Արամ Համբարյան
Գործադիր տնօրեն

ԱՄՆ Սենատի զինված ուժերի հանձնաժողով
ԱՄՆ Պալատի զինված ուժերի կոմիտե
ԱՄՆ Սենատի արտաքին հարաբերությունների հանձնաժողով
ԱՄՆ Պալատի արտաքին գործերի հանձնաժողով»։