Ադրբեջանական երգեր ու կրքեր՝ Իրանի նախագահի թեկնածուի հանրահավաքում
Հայտնի է, որ մեր հարևան ու բարեկամ երկրում՝ Իրանում նախագահական ընտրությունները նախատեսված են հունիսի 28-ին։
Վերջին տվյալներով, ԻԻՀ նախագահի պաշտոնի համար պայքարում էր վեց թեկնածու, սակայն այսօր հայտնի դարձավ, որ Իրանի փոխնախագահ, պահպանողական գործիչ Ամիր Հոսեյն Ղազիզադե Հաշեմին դուրս է եկել նախագահական ընտրապայքարից։
Ավելի վաղ հայտնել ենք, որ իրանական մի շարք առաջատար կազմակերպությունների անցկացրած հարցման արդյունքներով Իրանի նախագահի պաշտոնի համար պայքարող թեկնածուների մեջ առաջատարն ադրբեջանական ընտանիքում ծնված Մասուդ Փեզեշկիանն է: Այլ կերպ ասած՝ նրա հաղթանակին հավատում են ավելի շատ մարդիկ, քան մյուս թեկնածությունների դեպքում:
Քաղաքական գործիչը բազմիցս, այդ թվում՝ նախընտրական ելույթներում հայտարարել է, որ հպարտ է իր ադրբեջանական ծագմամբ: Ինչպես նշում են ադրբեջանական կայքերը, Փեզեշկիանի՝ Թավրիզում կայացած նախընտրական հանրահավաքում հնչել են ադրբեջանական երգեր։ Բացի այդ, հավաքվածները պահանջել են ադրբեջանական դպրոց բացել նահանգում:
Գաղտնիք չէ, որ Ադրբեջանը մեծ համայնք ունի Իրանում և այնտեղ ապրող ադրբեջանցիներն ամեն ինչ կանեն, որ երկրի բարձրագույն, առանցքային պաշտոններից մեկը վստահվի իրենց հայրենակցին. և՛ իրենց շահերից է բխում և պաշտոնական Բաքվի՝ հատկապես ՀՀ-ի հետ հարաբերությունների համատեքստում:
Կարծիքներ