Մասիսի քաղաքապետի «ջիգյարով տեղակալին շարունակում են ձերբակալել»․․․

Հունիսի մեկին ձերբակալեցին Մասիսի քաղաքապետի տեղակալ Կարեն Օհանյանին։ Հունիսի երկուսին հիմնավոր կասկածի բացակայության պատճառով ազատ արձակեցին։  Հունիսի 5-ին կրկին կալանավորումը որպես խափանման միջոց ընտրեցին։



Ծանոթանում ես, որ հունիսի մեկին ՀՀ քրեական օրենսգրքի 225-րդ հոդվածի 1-ին և 2-րդ մասերի հատկանիշներով քննվող քրեական գործի նախաքննության ընթացքում հունիսի 1-ին որոշում է կայացվել Մասիսի քաղաքապետի տեղակալ Կարեն Օհանյանին որպես մեղադրյալ ներգրավվելու մասին:



Հունիսի 2-ին Երևան քաղաքի ընդհանուր իրավասության դատարանի որոշմամբ մերժվել է մեղադրյալ Կարեն Օհանյանի նկատմամբ կալանավորումը որպես խափանման միջոց կիրառելու մասին քննիչի միջնորդությունը՝ մեղադրյալին վերագրվող  հանցագործությունը վերջինիս կողմից կատարած լինելու մասին հիմնավոր կասկածի բացակայության պատճառաբանությամբ:



Հունիսի 5-ին դատավարական ղեկավարում իրականացնող դատախազը հունիսի 5-ին կրկին միջնորդություն է ներկայացրել Երևան քաղաքի ընդհանուր իրավասության դատարան՝ Կարեն Օհանյանի նկատմամբ կալանավորումը որպես խափանման միջոց ընտրելու մասին՝ միաժամանակ դատարան ներկայացնելով հիմնավոր կասկածի առկայությունը հավաստող ապացույցները:



Ինչքան փորձում ես համադրել փաստերն ու հասկանալ, չի ստացվում, մնում է միայն արձանագրել․



Մասիսի քաղաքապետի «ջիգյարով տեղակալին» շարունակում են ձերբակալել․․․ Գալուստ Սահակյանի ականջը կանչի։