Պեկինում վճռական են տրամադրված ԱՄՆ հարցում

Չինաստանը հայտարարել է, որ համարժեք պատասխան կտա Միացյալ Նահանգներին հայտարարված առեւտրային պատերազմում եւ չի ընկրկի ու կգնա մինչեւ վերջ: Այս մասին հայտարարել է Չինաստանի ձեռներեցության նախարարության ներկայացուցիչ Գաու Ֆենը:



Ինչպես փոխանցում է «РИА Новости» լրատվական գործակալությունը, ներկայումս Պեկինը դադարեցրել է ամերիկյան կողմի հետ ֆինանսական սեկտորում բոլոր բանակցությունները, քանի որ ամերիկացիները խախտել են բանակցային սկզբունքները, ինչպես նաեւ ցանկություն չի ցուցաբերել շարունակելու այդ բանակցությունները` շարունակելով մնալ միակողմանի գործողությունների եւ հովանավորչության քաղաքականության շրջանակներում: