Ադրբեջանցիները լծվել են «Նեզավիսիմայա Գազետայի» պաշտպանությանը

Օրեր առաջ սումգայիթյան ոճրագործության վերաբերյալ նյութ էր հրապարակվել «Նեզավիսիմայա գազետայում»։ Ըստ հեղինակի՝ 88 թվականին Սումգայիթի գազանությունները կազմակերպել են հայերը։ Սա ադրբեջանական քարոզչական քաղաքականությունն է արտերկրի մամուլում, որին նախկինում հակահարված էին տալիս, հիմա՝ ոչ։ Տեղեկացրել էինք նաև, որ Երևանը անգործություն է դրսևորում ադրբեջանական գլոբալ քարոզչության դեմն առնելու հարցում, և վերջապես՝ ՌԴ-ում ՀՀ դեսպան Վարդան Տողանյանը դիմել էր դատախազություն։

Եվ, ահա, Բաքվում իրար են անցել ադրբեջանցիները։ Haqqin.az տեղեկատվական-վերլուծական պորտալի  ղեկավար Էյնուլա Ֆաթուլաևը հայտարարել է, թե ռուսաստանաբնակ հայերը, հայկական ծագումով հայերը ՌԴ-ում ՀՀ դեսպանատան գլխավորությամբ հարձակումներ են իրականացնում «Նեզավիսիմայա գազետայի» վրա։ Ֆաթուլաևը հայտարարել է, թե թերթը նախապատրաստվում է լուրջ կռվի։ Նա նաև ասել է, որ իրենց աջակցում է ԽՍՀՄ Գլխավոր դատախազության նախկին աշխատակից Ասլան Իսմայիլովը, ով Սումգաիթյան ոճրագործության ժամանակ հանդես է եկել որպես պետական մեղադրող։