Ամերիկացիները ծաղրում են ամերիկյան լրատվամիջոցների հակառուսական հիստերիան
![Ամերիկացիները ծաղրում են ամերիկյան լրատվամիջոցների հակառուսական հիստերիան](https://hraparak.am/uploads/images/f09fb818207a68df231df4d022add4c7.jpg)
Սոցիալական ցանցերում մեծ թափ են հավաքել ամերիկյան լրատվամիջոցներում շրջանառվող թեմաներով կոլաժների և հումորային գրառումների հրապարակումները: Դրանք կապվում են ամերիկյան լրատվամիջոցներում մշտապես գործածվող արտահայտությունների, մասնավորապես՝ «Մեր անանուն աղբյուրների փոխանցմամբ» «Հավանաբար Ռուսաստանը կապ ունի» և այլն, հետ:
Գաղափարի հեղինակները Reddit կայքի օգտատերերն են, որոնցից մեկը CNN-ի եթերի սքրինշոթ է հրապարակել հետևյալ մակագրությամբ. «Հրատապ լուրեր. Ռուսաստանը, հնարավոր է, կապ ունի «Ռուսաստանի հետ»:
Մեկնաբանները գնահատում են տեղադրված լուսանկարը և առաջարկում մակագրության իրենց տարբերակները:
Մեկ այլ լուսանկար, դարձյալ CNN-ի եթերին նվիրված, ունի հետևյալ մակագրությունը. «Համաձայն անանուն աղբյուրների՝ Ռուսաստանը ֆինանսավորում է Ռուսաստանի բանակը»:
Օգտատերերից մեկն էլ, CNN-ի ոճով «հղում կատարելով» անանուն աղբյուրներին, գրել է. «Վլադիմիր Պուտինը, հնարավոր է, կապ ունի Ռուսաստանի հետ»:
Կարծիքներ