Ինչպես են նշելու անկախության տոնը քաղաքական ուժերը

Ինչպես են պատրաստվում անկախությունը նշել ՀՀ քաղաքական ուժերը: «Ժառանգությունը» որեւէ հատուկ միջոցառում չի նախատեսել, կուսակցության երիտթեւը երեկ անկախության օրվան նվիրված` Արագած լեռը պիտի բարձրանար: Իսկ ՕԵԿ-ը անկախության օրը միայն կուսակիցներով է նշում: «Մենք ամեն տարի հարյուրից ավելի կուսակիցներով հավաքվում ենք, բաժակ ենք բարձրացնում, շնորհավորում ենք միմյանց»,- ասաց ՕԵԿ մամուլի խոսնակը: Գագիկ Ծառուկյանն էլ սեպտեմբերի 21-ը կնշի իր հարազատ Աբովյանում: Նրա հիմնադրամի միջոցներով Հրազդանում եւ Աբովյանում կազմակերպվելու են շախմատի մրցաշար եւ վազքարշավ, որը կեզրափակվի տոնական համերգ-հրավառությամբ:  Անկախության օրը ժողովրդի հետ է նշելու Հայ ազգային կոնգրեսը՝ Սարյան պուրակում կազմակերպելու է տոնական միջոցառում-հավաք: