![սունկ](/images/2011/07/sunk-e1312004919142-400x249.jpg)
Չորեքշաբթի ուշ երեկոյան սնկային թունավորումից Կապանի բժշկական կենտրոնի ինֆեկցիոն բաժանմունք տեղափոխված 6 անձանց կյանքին վտանգ չի սպառնում: Նրանք Շինարարներ թաղամասի բնակիչներ են, քույր ու եղբոր ընտանիքների անդամներ: Թունավորվածներից չորսը մինչեւ 14 տարեկան երեխաներ են, նրանց հորաքույրն ու մորեղբայրը: Ըստ բժիշկների, հիվանդանոց ընդունելու պահին տուժածների վիճակը ծանր է եղել, այժմ միջին ծանրության է, կայուն: Նրանք դեռ ստացիոնար բուժման մեջ են եւ բժիշկների խիստ հսկողության տակ: Տուժողների պատմելով՝ սունկը հավաքել էին Կաղնուտ գյուղի անտառամերձ տարածքից: Դեռեւս պարզ չէ, թե որ տեսակի սնկից են թունավորվել նրանք:
Կարծիքներ