Րաֆֆի Հովհաննիսյանի հացադուլի վեցերորդ օրը՝ լուսանկարներով
hraparak
15 Մարտ 2013 | 14:59
0
Ազատության հրապարակում արդեն վեցերորդ օրն է՝ շարունակվում է «Ժառանգություն» կուսակցության առաջնորդ, ՀՀ նախագահի նախկին թեկնածու Րաֆֆի Հովհաննիսյանի հացադուլը:Ինչպես տեղեկացրել ենք, նա այսօր մեկ ու կես ժամով համակիրների տեղադրած վրանանման ծածկոցում իրեն նվիրել էր հանգստի:
Իսկ ժամը 15:00-ից «Ազատության» հրապարակում ՀՀ նախագահի նախկին թեկնածու, «Ժառանգություն» կուսակցության առաջնորդ Րաֆֆի Հովհաննիսյանի համակիրները հնարավորություն ունեն ստորագրությունների մատյանում թողնել իրենց ստորագրություններն ու բարեմաղթանքները` ի նշան աջակցության:
Հիշեցնենք, որ ՀՀ նախագահական ընտրությունների պաշտոնական արդյունքները վիճարկող «Ժառանգություն» կուսակցության ղեկավար, ՀՀ նախագահի նախկին թեկնածու Րաֆֆի Հովհաննիսյանն Ազատության հրապարակում հացադուլ է անցկացնում:
Րաֆֆի Հովհաննիսյանը պահանջում է գործող և վերընտրված նախագահ Սերժ Սարգսյանի ինքնաբացարկը։ Հացադուլի մանրամասերը՝ «Հրապարակի» լուսանկարներում
Հեղինակ՝ Ֆելիքս Եղիազարյան
Կարծիքներ