Ենթակաները հայհոյանքով են բամբասում
hraparak
29 Մայիս 2013 | 06:22
0
Օրերս արտառոց դեպք է տեղի ունեցել Արաբկիր, Քանաքեռ-Զեյթուն համայնքների դատախազությունում: Համայնքի դատախազ Գեւորգ Երեմյանը, շատ պատահական, ականջալուր է եղել իր ենթակաների զրույցին, ովքեր կոպիտ խոսքերով՝ ընդհուպ հայհոյանքներով, իրենից են բամբասել: Դատախազն իր մասին «ողջ իրողությունը» լսելուց հետո հաշիվ է պահանջել, ինչն էլ վերածվել է վիճաբանության: Ապա բանը հասել է դիվանբաշուն՝ գլխավոր դատախազ Աղվան Հովսեփյանին, եւ վերջինս ծառայողական քննություն է նշանակել: Լուրի իսկությունը փորձեցինք ճշտել դատախազությունից, սակայն մամլո խոսնակն ասաց, թե տեղյակ չէ դեպքից եւ պարզաբանում կտա այսօր:
Կարծիքներ