Նոբելյան մրցանակ շնորհվեց կանադացի արձակագրին
Գրականության բնագավառում հայտնի դարձավ Նոբելյան մրցանակակրի անուն: Դա կանադացի կին արձակագիր, Ալիս Մունրոն է: Շվեդական ակադեմիան նրան մրցանակ է շնորհել ժամանակակից պատմվածքում մեծ դեր ունենալու և այն զարգացնելու համար: Առաջին անգամ է, որ Նոբելյան հանձնաժողովը կոնկրետ ուշադրություն է դարձնում պատմվածքի ժանրին և մրցանակը շնորհում հենց դրա համար:
Ալիս Մունրոն ծնվել է 1931 թվականին Օնտարիո քաղաքում: 1968թ. հրատարակել է իր պատմվածքների առաջին ժողովածուն «Dance of the Happy Shades», որի համար ստացել կանադական ամենահեղինակավոր մրցանակներից մեկը: Նրան ճանաչում են բերել կարճ պատմվածքների բազմաթիվ ժողովածուները:
Ամերիկացի մեծ գրականագետ, քննադատ Հարոլդ Բլումը շատ բարձ է գնահատում Մունրոյի արվեստը և նրան համարում է 20-րդ դարի ամենամեծ պատմվածքագիրներից մեկը:
Գրականության բնագավառում Նոբելյան մրցանակը առաջին անգամ է ճանապարհվում Կանադա:
Եվ այնուամենայնիվ Շվեդական ակադեմիան կրկին շրջանցում է ամերիկյան գրականության ներկայացուցիչներին, որոնք երկար տարիներ սպասում են մրցանակին, ինչես նաև եվրոպայում ապրող մի շարք մեծ գրողների, որոնք ինչ-ինչ քաղաքական հայացքների պատճառով անտեսվում են հանձնաժողովի կողմից:
Ա. Ֆիլյան
Կարծիքներ