«Քաղաքացիական պայմանագիր» միավորման Կառավարման խորհրդի ասուլիսը (տեսանյութ)
Այսօր «Անի» հյուրանոցի «Անի» սրահում տեղի ունեցավ «Քաղաքացիական պայմանագիր» միավորման Կառավարման խորհրդի ասուլիսը, որտեղ բացման խոսքով հանդես եկան խորհրդի բոլոր 7 անդամները, որից հետո պատասխանեցին լրագրողների հարցերին:
Նիկոլ Փաշինյանը կառավարման խորհրդի ասուլիսի ժամանակ նշեց, որ խորհուրդը կոլեգիալ մարմին է, չունի առաջնորդ և որոշումները կայացվում են կոնսենսուսով: Փաշինյանը նաև տեղեկացրեց, որ առաջիկայում կձևավորվեն քաղաքացիական պայմանագրի մյուս մարմինները`
.քաղաքացիական պայմանագրի վերադարձի հիմնադրամը,
.կենտրոնական գրասենյակը,
.տարածքային կառավարման մարմինները ՀՀ-ում և դրսում:
«Քաղաքացիական պայմանագիր» Կառավարման խորհրդի անդամ Արայիկ Հարությունյանն հայտարարեց․ «Մինչև հիմա քաղաքական գործընթացների վրա հանրության ազդեցությունը բավականին փոքր է եղել, քանի որ հորիզոնական կառավարում չի եղել: Այս դեպքում լինելու է որոշումների ներքևից վերև կայացման մեխանիզմ, իսկ խորհուրդը ընդամենը կատարելու է դրանք համակարգելու գործառույթ»:
Ալեն Սիմոնյանն էլ նշեց, որ այստեղ ամենակարևոր գործոնն իր համար այն է, որ բոլորը տարբեր են, բայց հավասար են:
Խորհրդի անդամները չբացառեցին, որ հետագայում կարող են կուսակցություն դառնալ և առաջիկա նախագահական ընտրություններում հանդես գալ սեփական թեկնածուով։ Նրանք նշեցին, որ մասնակցելու են համապետական բոլոր ընտրություններին։
Մանրամասները՝ Azatutyun.TV-ի տեսանյութում։
Կարծիքներ