Արթուր Բաղդասարյանը ներկայացրել է «Հայկական վերածնունդ»-ի ձևավորման ընթացքը

Այսօր «Օրինաց երկիր» կուսակցության նախագահ Արթուր Բաղդասարյանը կուսակցության կենտրոնական գրասենյակում հանդիպել է ՀՀ-ում Ավստրիայի Հանրապետության արտակարգ և լիազոր դեսպան Ալոիս Կրաուտին:

Հանդիպման ընթացքում քննարկվել են Հայաստանի ներքին, արտաքին և տարածաշրջանային զարգացումներին վերաբերող, ինչպես նաև փոխադարձ հետաքրքրություն ներկայացնող այլ հարցեր: Այս մասին հայտնում են ՕԵԿ մամուլի ծառայությունից:

Դեսպանի խնդրանքով «Օրինաց երկիր» կուսակցության առաջնորդը ներկայացրել է «Հայկական վերածնունդ» հասարակական քաղաքական միավորման ձևավորման ընթացքը, ինչպես նաև տեսակետները Հայաստանի ներքաղաքական գործընթացների և արտաքին քաղաքական օրակարգում առկա հիմնահարցերի վերաբերյալ: