Ահաբեկչական խմբավորումների հրամանատարները շարքերից թաքցնում են ռուսական ավիահարվածների մասին տեղեկությունները

Սիրիայում գործող ահաբեկչական խմբավորութմների հրամանատարները իրենց ենթականերին տեղեկություն չեն փոխանցում այն մասին, որ ռուսական ավիացիան հարվածներ է հասցնում իրենց դիրքերին և ռազմական նշանակության օբյեկտներին: Նրանք վախենում են խուճապից և զանգվածային դասալքությունից: Այս մասին LifeNews-ի նկարահանող խմբին պատմել է սիրիական բանակի զինծառայող Մահմուդը, ում հաջողվել է ազատվել ծայրահեղականների գերությունից:

«Ոչ նրանք, ովքեր պահակություն էին անում գերիների վրա, ոչ էլ մյուս ահաբեկիչ հրամանատարները, որոնց մենք տեսնում էինք, նույնիսկ չէին հիշատակում ռուսական ավիահարվածների մասին: Այնտեղ կապը չէր բռնում, ինտերնետ չկար, իսկ հրամանատարները պարզապես լռում էին»,- պատմել է Մահմուդը: 

Գերությունից ազատված զինվորականը նաև հաստատել է տեղեկությունը, որ «Ջեյշ ալ Իսլամ» խմբավորումը, որին Արևմուտքը դասում է չափավոր ընդդիմության շարքը, իրականում սերտ կապերի մեջ է «Ջաբաթ ան Նուսրա» ահաբեկչական կառույցի հետ և գործում է վերջինիս հրահանգներով: