Լինդսի Գրեմը դուրս եկավ նախագահական մրցապայքարից

Հանրապետական Լինդսի Գրեմը հայտարարել է, որ այլևս չի պայքարի իր կուսակցությունից նախագահի թեկնածու առաջադրվելու իրավունքի համար։ Այս մասին հաղորդում է «golos-ameriki.ru»-ն։

«Ես դադարեցնում եմ իմ արշավը նախագահի պաշտոնի համար»,- հայտարարել է Հարավային Կարոլինա նահանգից սենատորը իր հեռուստաուղերձում։
60-ամյա քաղաքական գործիչը, փորձագետների գնահատականներով, հաջող կերպով ավարտել է հեռուստատեսային դեբատների երկրորդ փուլը, սակայն պատշաճ տպավորություն չի գործել ընտրողների վրա՝ ինչպես պարզ է դառնում հասարակական կարծիքի հարցումներից։

Գրեմի հեռանալուց հետո Հանրապետական կուսակցությունից ԱՄՆ նախագահի թեկնածու առաջադրվելու իրավունքի համար պայքարում մնում է 12 մարդ։