«Խոշոր ատկատներ» թերթերի գնման գործընթացում (ֆոտո)

Իշխանության վերին օղակներում լծվել են ատկատներ «բռնելու» գործին, պետական հիմնարկներում կոռուպցիա փնտրելու հույսով մանրազննին ուսումնասիրում են գնումների, հաստիքների, աշխատավարձերի մասին փաստաթղթերը:

Եւ ահա, այդ գործին լծված պաշտոնյաններից մեկը մի «դարակազմիկ» ատկատ է բացահայտել, ըստ որի՝ Արմավիրի մարզպետարանը «Առավոտ» օրաթերթը գնում է 290 դրամով, իսկ «Հայաստանի Հանրապետությունը» եւ «Չորրորդ իշխանությունը»՝ 270 դրամով: «Հիմա որ ասենք՝ ինչի 290 դրամով, կասեք՝ սաղ կոռուպցիան թողել, թերթի վաճառքի դեմ եք պայքարում»,-մեր վերահաս հարցը կանխելով` ասում է աղբյուրը ու սփոփում, թե դե ոչինչ, քայլ չեն ձեռնարկելու, մամուլին իրենց դեմ չեն հանելու, ուղղակի տեղեկացնելու համար է ասել:

Հավելենք, որ կրպակներում «Առավոտը» եւ «Չորրորդ իշխանության» թերթերը վաճառվում են 200 դրամով, իսկ «Հայաստանի Հանրապետությունը»՝ 100 դրամով: