Ուկրաինայում կորոնավիրուսից մեկ օրում մահացել է 27 մարդ

Վերջին քսանչորս ժամում Ուկրաինայում կորոնավիրուսով վարակվածների թիվը ավելացել է 1489-ով։ Մեկ օրում կորոնավիրուսից մահացել է 27 մարդ։ Համավարակի ողջ ընթացքում կորոնավիրուսով վարակվածների թիվը հասել է մոտ 80 հազարի։ Մահացությունների ընդհանուր թիվը կազմում է մոտ 1,9 հազար մարդ, առողջացածներինը՝ մոտ 44 հազար մարդ։

Օգոստոսի 8-ի տվյալների համաձայն, կորոնավիրուսով վարակվածների ընդհանուր թիվն աշխարհում գերազանցել է 19,5 միլիոնը։ Մահացությունների ընդհանուր թիվը մոտ 725 հազար է, իսկ առողջացածներինը՝ ավելի քան 12,5 միլիոն մարդ։ Վարակի տարածման ցուցանիշներով առաջին հնգյակում են՝ Միացյալ Նահանգները, Բրազիլիան, Հնդկաստանը, Ռուսաստանը եւ ՀԱՀ-ն։