Քրդական ուժերի դուրսբերումը թուրքական սահմանի մոտակա տարածքներից ավարտված է․ Սերգեյ Լավրով

Ռուսաստանի ԱԳ նախարար Սերգեյ Լավրովը հայտարարել է, որ սիրիացի քրդերի ջոկատների դուրսբերումը ԱՄՆ կողմից թուրք-սիրիական սահմանային գոտուց, գործնականում ավարտվել է։ Այս մասին հայտնում է «Ինտերֆաքս» լրատվական գործակալությունը։ Լավրովը նաեւ նշել է, որ քրդերի համար սխալ է մտածելը, որ ամերիկյան կողմը մշտապես աջակցելու է իրենց։ Ռուսական արտաքին քաղաքական գերատեսչության ղեկավարի կարծիքով, ամենից ողջամիտ տարբերակը եղած լուծումներից, քրդերի համար, Դամասկոսի հետ երկխոսության սկսումն է՝ հանուն կայունության եւ անվտանգության ապահովման ողջ Սիրիայում։ Այն նաեւ պետք է միտված լինի այն բանին, որ ավարտվեն սիրիական Սահմանադիր կոմիտեի աշխատանքները, որոնք կերաշխավորեն բոլոր ազգային խմբերի իրավունքները Սիրիայում։