Բոլիվիայում ձերբակալել են զինված հեղաշրջման փորձ կատարած գեներալին
![Բոլիվիայում ձերբակալել են զինված հեղաշրջման փորձ կատարած գեներալին](https://hraparak.am/uploads/images/2024/06/image_750x_667cf7d996197.jpg)
Բոլիվացի գեներալ Խուան Խոսե Սունիգային, ով զինվորականներին առաջնորդել է դեպի մայրաքաղաք Լա Պասում կառավարության շենքի դիմացի հրապարակ, երկրի դատախազները մեղադրում են ահաբեկչության մեջ։
Այս մասին ասվում է հեղաշրջման փորձ կատարած գեներալի ձերբակալման հրամանից, որը ցուցադրվել է Բոլիվիայի հեռուստաալիքով։
Փաստաթղթում նշվում է, որ «Սունիգան և մյուսները [հեղաշրջման փորձի մասնակիցները] կասկածվում են ահաբեկչական գործողություններ կատարելու, ինչպես նաև հասարակական անվտանգության և պետական ինքնիշխանության դեմ զինված ապստամբության մեջ»։
Առաջադրված մեղադրանքի հիման վրա իրավապահ մարմիններին հանձնարարվել է ձերբակալել գեներալին։
Ավելի վաղ Բոլիվիայի հեռուստատեսությունը ցուցադրել էր կադրեր, թե ինչպես է Սունիգան դուրս գալիս Գլխավոր շտաբի շենքից՝ ոստիկանների ուղեկցությամբ, որոնք նրան մեքենա են նստեցնում։
Կարծիքներ