Նախ վիճել է, հետո՝ ներողություն խնդրել

Բելառուսի նախագահ Ալեքսանդր Լուկաշենկոն հայտարարել է, որ այսօր ԵԱՏՄ գագաթնաժողովի ժամանակ Ռուսաստանի նախագահ Վլադիմիր Պուտինի հետ ունեցած վիճաբանությունից հետո ներողություն է խնդրել նրանից։

Այս մասին հայտնում է «Կոմերսանտը»։ Նա խոստովանել է, որ իրեն անվայելուչ է պահել, երբ քննարկվել է գազի տրանստպորտայնացման հարցը։ «Վատ ձեւով հանդես եկա ու հետո ներողություն խնդրեցի այսօրվա հանդիպման տանտիրոջից։ Շատ պոռթկուն բացատրություն էր, բայց ես չէի ուզի, որ դուք իմանայիք այդ մասին»,- պարզաբանել է Լուկաշենկոն։