Ջրհեղեղ Իրաքում. կան զոհեր

Տեղացած տեղատարափ անձրեւները ինչպես Սաուդյան Արաբիայում, այնպես էլ Իրաքում դարձել են հեղեղումների պատճառ, որոնք իրենց հերթին մարդկային զոհերի պատճառ են դարձել։

Ինչպես հայտնում է AFP-ն, վկայակոչելով Իրաքի առողջապահության նախարարության հրապարակած տվյալները, ջրհեղեղների հետեւանքով 21 մարդ է զոհվել։ Al Mayadeen հեռուստատեսությունն էլ հաղորդել է, որ բացի զոհերից, նաեւ մոտ 200 մարդ ստացել է մարմնական տարբեր ծանրության վնասվածքներ։