«Սպայկայի» տնօրենի գործով նիստին պաշտպանները բողոքն ամբողջությամբ չեն ներկայացրել
Վերաքննիչ քրեական դատարանում այսօր աշխատանքային ժամի ավարտով պայմանավորված ավարտվեց «Սպայկա» ընկերության տնօրեն Դավիթ Ղազարյանի գործով դատական նիստը:
Պաշտպանները բողոքարկում են Առաջին ատյանի դատարանի որոշումը` երկամսյա կալանքի վերաբերյալ: Բողոքի քննությունն այսօր մասամբ քննվեց դատարանում: Այս մասին լրագրողների հետ զրույցում ասաց Ղազարյանի պաշտպաններից Սամվել Սիմոնյանը:
Հարցին, թե գրավի միջնորդություն ներկայացրե՞լ են, պատասխանեց,«Քննում ենք հենց ամբողջ իրավատիրույթը»: Նա գրավի չափի վերաբերյալ ոչինչ չասաց եւ հրաժարվեց այլ մանրամասներ հայտնելուց:
Հիշեցնենք, որ առանձնապես խոշոր չափերով հարկերը չվճարելու դեպքի կապակցությամբ հարուցված քրեկան գործի շրջանակներում 2019թ. ապրիլի 4-ին Ղազարյանին մեղադրանք է առաջադրվել ՀՀ քրեական օրենսգրքի 205-րդ հոդվածի 2-րդ մասի (առանձնապես խոշոր չափերով hարկ, տուրք կամ պարտադիր այլ վճար չվճարելը) հատկանիշներով։
Ըստ ՊԵԿ հաղորդագրության՝ «Սպայկա» ընկերությունը պետական բյուջե չի վճարել ընկերության կողմից իրականացված ձեռնարկատիրական գործունեության արդյունքում առաջացած 7 036 666 312 ՀՀ դրամ մաքսատուրք եւ հարկ:
Կարծիքներ