Նոր Նորքի թաղապետարանի նախկին աշխատակցին մեղադրում են 1,5 միլիոն դրամ չարաշահման մեջ
Աննա Պապիկյան
19 Ապրիլ 2019 | 19:44
0
Նոր Նորք վարչական շրջանի ֆինանսական բաժնի նախկին աշխատակից Աննա Դանիելյանի դեմ քրեական գործ է հարուցվել։ Նրան մեղադրում են 1,5 միլիոն դրամ չարաշահումներ թույլ տալու մեջ։
«Հրապարակ»-ի հետ զրույցում Նոր Նորքի նախկին թաղապետ Արմեն Ուլիխանյանը հաստատեց տեղեկությունը՝ նշելով, որ դեռ քննություն է ընթանում․ «Հիմա քննությունը գնում է, քննության արդյունքում պարզ կլինի, ես հիմա՝ ի՞նչ մեկնաբանություն տամ»։
Հարցին՝ ինքը հարցաքննվե՞լ է գործով, որեւէ կարգավիճակ ունի՞, քանի որ իր ենթակայության տակ է այդ բաժինը, պատասխանեց․ «Այս պահին ես չեմ հարցաքննվել, դեռեւս ինձ բան չեն ասել, եթե ասեն, ապա իհարկե կգնամ։ Քննությունը գնում է, կանչեն, նոր կտեղեկացնեմ»։
Կարծիքներ