«Վեոլիա ջուր» ընկերությունից բողոքները շատացել են
Կարեն Մարտիրոսյան
11 Օգոստոս 2023 | 16:05
0
Ամռան ամիսներին «Վեոլիա ջուր» ընկերությունից բողոքները շատացել են։ Այսօր լրագրողների հետ ճեպազրույցում ասաց Հանրային ծառայությունները կարգավորող հանձնաժողովի (ՀԾԿՀ) նախագահ Գարեգին Բաղրամյանը։
Հարցին՝ ՀԾԿՀ-ն ունի՞ վերահսկողական գործառույթ, որ «Վեոլիա ջուր» ընկերության դեմ միջոցներ ձեռնարկի, քանի որ + 40 աստիճան շոգին մարդկիկ օրերով մնում են առանց ջրի, Գարեգին Բաղրամյանը պատասխանեց, որ իրենք վերահսկողության մեխանիզմներ ունեն:
«Պարբերաբար բողոքներ ստանում ենք, միշտ ամառային ամիսներին բողոքներն անգամներով շատանում են: Ցանկացած բողոք իր արձագանքը մեր կողմից ստանում է: Մենք էլ ենք արձանագրում, որ կան որոշակի խնդիրներ, քանի որ համակարգի ներդրումային միջավայրը շատ սուղ է, և հիմա մեծ ներդրումների կարիք կա»,- ասաց Գարեգին Բաղրամյանը։
Կարծիքներ