Դիակը դեռ սպանության վայրում է. ոստիկանները փակել են փողոցը
Ինչպես ավելի վաղ հայտնել ենք, Քիչ առաջ Երեւանի կենտրոնում սպանություն է տեղի ունեցել` «Մոսկվա» կինոթատրոնի մոտ։ Օրը ցերեկով սպանել են մի քաղաքացու։ Դեպքի վերաբերյալ ոստիկանությունից մեզ փոխանցեցին.
«Ժամը 10։58 ահազանգ է ստացվել, որ Մոսկվա կինոթատրոնի մոտ մարդասպանություն է։ Օպերատիվ-քննչական խմբերը մեկնել են դեպքի վայր, հանգամանքները պարզվում են»։
Այս պահին ոստիկանները տարածքը փակել են ժապավեններով, կատարում են տարածքի զննություն, դեպքի վայր են ժամանել ոստիկանության քրեագետները։ Դիակը դեռեւս գտնվում է սպանության վայրում։
Նշենք նաեւ, որ դեպքի վայր են ժամանել դատաբժիշկները եւ փորձաքննություն են իրականացնում։ Տարածքն ամբողջությամբ արյունով է պատված։
Իրկանացնում են տարածքի ուսումնասիրություն,փորձում են հասկանալ, թե որտեղից է տեղի ունեցել կրակոցը։ Հավանաբար, նաեւ տարածքի տեսախցիկներն են փորձում գտնել։ Համենայնդեպս, մենք այդպես հասկացանք տեղում գտնվող իրավապահների զրույցներից։
Կարծիքներ