Մակրոնը ներկայացրել է Սիրիական կարգավորմամբ զբաղվող Աստանայի եւ Ժնեւի հարթակների մերձեցման իր պատկերացումը
hraparak
26 Ապրիլ 2018 | 17:00
0
Ֆրանսիայի նախագահ Էմանյուել Մակրոնը հույս ունի, որ մի փոքր խումբ երկրների ջանքերը կօգնեն, որպեսզի հնարավոր լինի որոշակի մերձեցում արձանագրել Սիրիայի հակամարտության կարգավորմամբ զբաղվող Ժնեւյան եւ Աստանայի հարթակները:
«Նոր փոքրիկ խումբը կարող է կամուրջ հանդիսանալ Աստանայի եւ Ժնեւի միջեւ, որպեսզի կայունացվի իրադրությունը ռեգիոնում եւ կապի ուղիներ բացի Ռուսաստանի եւ Թուրքիայի հետ»,- ասել է Ֆրանսիայի նախագահը Վաշինգտոնում իր ամերիկացի գործընկեր Դոնալդ Թրամփի հանդիպումից հետո տեղի ունեցած մամուլի ասուլիսի ժամանակ: Այդ խմբում կարող են լինել` ԱՄՆ-ն, Մեծ Բրիտանիան, Ֆրանսիան, Հորդանանը, Սաուդյան Արաբիան: Հնարավոր է ներգրավվեն նաեւ Գերմանիան եւ Թուրքիան: Մակրոնը ասել է նաեւ, որ այս շրջանակում խորհրդակցություններ վերջին շաբաթներին արդեն ընթանում են, եւ հնարավոր են նաեւ քննարկումներ ՄԱԿ ԱԽ մշտական անդամների հետ, ինչին ինքն անձամբ կողմ է: Հետաքրքիր է այն, որ անձամբ Մակրոնը վերապահություն ունի Աստանայի հարթակի հանդեպ, քանի որ գտնում է, որ այն կարող է տանել Սիրիայի մասնատման, սակայն ՄԱԿ հովանու ներքո ձեւավորված Ժնեւյան ֆորմատը համարում է օրինական:
«Նոր փոքրիկ խումբը կարող է կամուրջ հանդիսանալ Աստանայի եւ Ժնեւի միջեւ, որպեսզի կայունացվի իրադրությունը ռեգիոնում եւ կապի ուղիներ բացի Ռուսաստանի եւ Թուրքիայի հետ»,- ասել է Ֆրանսիայի նախագահը Վաշինգտոնում իր ամերիկացի գործընկեր Դոնալդ Թրամփի հանդիպումից հետո տեղի ունեցած մամուլի ասուլիսի ժամանակ: Այդ խմբում կարող են լինել` ԱՄՆ-ն, Մեծ Բրիտանիան, Ֆրանսիան, Հորդանանը, Սաուդյան Արաբիան: Հնարավոր է ներգրավվեն նաեւ Գերմանիան եւ Թուրքիան: Մակրոնը ասել է նաեւ, որ այս շրջանակում խորհրդակցություններ վերջին շաբաթներին արդեն ընթանում են, եւ հնարավոր են նաեւ քննարկումներ ՄԱԿ ԱԽ մշտական անդամների հետ, ինչին ինքն անձամբ կողմ է: Հետաքրքիր է այն, որ անձամբ Մակրոնը վերապահություն ունի Աստանայի հարթակի հանդեպ, քանի որ գտնում է, որ այն կարող է տանել Սիրիայի մասնատման, սակայն ՄԱԿ հովանու ներքո ձեւավորված Ժնեւյան ֆորմատը համարում է օրինական:
Կարծիքներ