ՄԲ խորհրդարանում պապանողականները կարող են 18 տեղ կորցնել. հարցում
![ՄԲ խորհրդարանում պապանողականները կարող են 18 տեղ կորցնել. հարցում](https://hraparak.am/uploads/images/f892fe956625b1438afb42a5ba35ca5f.jpg)
Պահպանողականները հունիսի 8-ին կայանալիք արտահերթ ընտրությունների արդյունքներով կարող են 18 տեղ կորցնել Բրիտանիայի խորհրդարանում: Այդ են վկայում YouGov ընկերության շաբաթ հրապարակած հարցման արդյունքները:
«Վարչապետ Թերեզա Մեյը կարող է ստանալ 308 տեղ, ինչը 18-ով պակաս է խորհրդարանում պարզ մեծամասնության թվից՝ 326՝ 650-ից»,- հայտնում է YouGov-ը:
Հարցման արդյունքները միևնույն ժամանակ վկայում են, որ, պահպանողականներին հակառակ, իրենց դիրքերը 4 տեղով բարելավել են լեյբորիստները, ովքեր հավակնում են արդեն 261 տեի:
Մեծ Բրիտանիայում խորհրդարանական արտահերթ ընտրությունները տեղի կունենան հունիսի 8-ին՝ պահպանողական կառավարության նախաձեռնությամբ: Արտահերթ ընտրությունների անհրաժեշտությունն առաջացել է այն բանից հետո, երբ երկրի բնակիչները հանրաքվեով կողմ արտահայտվեցին Եվրամիության կազմից դուրս գալուն: Վարչապետ Թերեզա Մեյը հայտարարել է, որ Բրյուսելի հետ Brexit-ի հարցով բանակցություններում Լոնդոնին քաղաքական միասնություն է անհրաժեշտ:
Կարծիքներ