«ՄԻ-96» վարչության հայտարարությունը
hraparak
16 Մարտ 2013 | 11:58
0
Հ Ա Յ Տ Ա Ր Ա Ր ՈՒ Թ Յ ՈՒ Ն «Բարև» - ի ճակատագրի մասին
Մենք շարունակելու ենք մասնակցել Րաֆֆի Հովհաննիսյանի գլխավորած «Բարև» շարժմանը և անելու ենք հնարավորինս վերջինիս արդյունավետ և նպատակային ընթացքի համար:
Այդ նպատակով, մեկ անգամ ևս հայտարարում ենք, որ այս ընտրության ընթացքում, Րաֆֆի Հովհաննիսյանն անառարկելի նոր և անհրաժեշտ ավանդույթներ ձևավորելով Հայաստանի ժողովրդավարացման գործընթացներում, այնուամենայնիվ, մեր կարծիքով, լուրջ սխալներ է թույլ տալիս շարժման իրավական նպատակների ձևակերպման հարցերում՝ որպես հետևանք, հանգեցնելով բազմաթիվ հակասությունների նաև շարժման մարտավարական հարցերում և վնասելով իր իսկ ներդրած հսկայական ջանքերին:
Հաշվի առնելով այն հանգամանքը, որ բազմիցս ենք անդրադարձել այդ խնդիրներին, նշենք միայն, որ կոպիտ սխալներ ենք համարում՝
1. հայտարարությունն այն մասին, որ Րաֆֆին 4-րդ նախագահն է, իսկ Սերժը՝ 3-րդ: Այդ հայտարարությունն առնվազն պետք է հնչի այսպես՝ Րաֆֆի Հովհաննիսյանը կարող էր դառնալ ՀՀ Նախագահ, եթե ՀՀ Նախագահի պաշտոնն ապօրինի զբաղեցնողը չկատարեր ապօրինություններ, որոնք կարող էին ազդել քվեարկության արդյունքների վրա,
2. ԲՀԿ-ի հետ համագործակցության չափազանց վտանգավոր ակնկալիքները, քանի որ շարժման պայքարն ակնհայտորեն ուղղված է և, այլ բան չէր էլ կարող լինել, հենց ՀՀԿ-ԲՀԿ անբաժանելի ավազակաիշխանության դեմ:
Միաժամանակ, կարևոր ենք համարում նաև, առայժմ մեծ ներուժ ունեցող, հռչակագրային ՀԱԿ-ի միացումը «Բարև» շարժմանը, որի մեջ իր դերակատարությունը պետք է ունենա, Առաջին Նախագահի նպատակային գործողությունների հետևանքով, պասիվ վիճակում գտնվող, սակայն Հայաստանի վերջին ժամանակների քաղաքական կյանքում մեծ ավանդ ունեցող Նիկոլ Փաշինյանը:
Հույս ենք հայտնում, որ Րաֆֆի Հովհաննիսյանի արդյունավետ ջանքերը կհասնեն իրենց նպատակին:
Կարծիքներ