Այս հանդիպումից ո՞վ կարող է շահել
hraparak
18 Մարտ 2013 | 07:17
0
Աժ նախագահ Հովիկ Աբրահամյանի այցելությունը Րաֆֆի Հովհաննիսյանին եւ «Ես ուզում եմ, որ դուք հավատաք, որ մենք ամեն ինչ անելու ենք եւ պարոն նախագահին էլ ենք խնդրելու եւ պարոն նախագահն էլ է գտնում, որ պետք է այս հարցին լուծում տրվի ողջամիտ, հաշտ, համերաշխ ձեւով: Սա ոչ մի բան չի տալու մեր ժողովրդին եւ մեր պետությանը, այլ ավելի թուլացնելու է» թափանցիկ ակնարկը մի բան է հուշում: Ամենայն հավանականությամբ Սերժ Սարգսյանի համար օրակարգային է Րաֆֆի Հովհաննիսյանի հետ հանդիպումը: Ոչ քաղաքական դաշտում Սերժ Սարգսյանի այցելությունը համարվում է գործող նախագահ համար պարտություն արձանագրելու պես մի բան: Քաղաքական դաշտում, կարծում եմ, նման արձանագրում չի լինի: Սերժ Սարգսյանի հանդիպումը Րաֆֆի Հովհաննիսյանի հետ լավ չօգտագործելու դեպքում կարող է ծառայել նախագահի օգտին: Հոգեբանական ու քաղաքական լիցքաթափման, հանդուրժողականության, հարցերը ուժով չլուծելու, ճկուն փոփոխությունների պատրաստ կոնտեքստում կդիտարկվի այն : Այս հանդիպումից ո՞վ կարող է շահել… Չմոռանանք, որ Րաֆֆիի ընտրազանգվածը շունչը պահած փոփոխության է սպասում: Իսկ այդ փոփոխությունը գործող նախագահի հրաժարականն է:
Այստեղ ոչ թե զգուշավոր պետք է լինի Սերժ Սարգսյանը, այլ առավել քան՝ Րաֆֆին ու նրա կողմնակիցները: Փորձն ունենք, եթե նախագահը քայլ է անում, դա զինվորի քայլ չի լինում, միանգամից շախ է անում: Այդ հանդիպումից շատ բան է կախված…
Հասմիկ ԲԱԲԱՋԱՆՅԱՆ
Կարծիքներ