Երկու մանրապատում՝ սեուլյան թեմայով

Ով, Սեո՛ւլ, Սեո՛ւլ…

Սերժ Սարգսյանը Սեուլում ոչ թե երիտասարդացման կուրս է անցել, ինչպես սխալմամբ գրել էին աշխարհի թերթերը, այլ լրջացման: Այն, որ այս թեմայով երիտհհկական Կարեն Ավագյանի ֆեյսբուքյան գրառումը ՀՀԿ ճամբարից առաջինն ու վերջինը եղավ, արդեն իսկ խոսում է այն մասին, որ Սերժ Սարգսյանը լրջանալու կոչ է արել նաև հարազատ կուսակցությանը: Իսկ թե ինչու և ինչից պետք է լրջանա ՀՀԿ-ն, բոլորովին այլ թեմա է:

Ով այնպիսի սուտ ասի…

Եռանախագահները մի օր հայտարարում են՝ ով այնպիսի սուտ ասի, որ ասենք՝ սուտ է, Ղարաբաղը նրան կտանք:

Այդ օրը, հակառակի պես, Սերժ Սարգսյանը տարածաշրջանում չի լինում, Սեուլում է լինում:

Առաջինը Ալիևն է ներս մտնում.

-Բա գիտե՞ք, հայերը մեզ վրա ամեն օր կրակում են, դիվերսիոն խմբեր են ուղարկում, ուզում են Բաքուն գրավել:

-Հա, ի՞նչ անենք: Դա ի՞նչ սուտ է, որ: Պատերազմում ամեն բան էլ կլինի,- ասում են եռանախագահները:

Ալիևը գլխիկոր հեռանում է:

Պուտինն է ներս մտնում՝ ձեռքին մի թուղթ:

-Այդ ի՞նչ թուղթ է,- հարցնում են եռանախագահները:

-Զորիի նամակն է, բերել եմ, որ կարդաք,-ասում է Պուտինն ու նամակը տալիս նրանց:

15 էջանոց նամակը մինչև վերջ կարդալուց հետո ամերիկացի համանախագահը բացականչում է.

-Սուտ է…

-Սո՞ւտ է,- հարցնում է Պուտինը հանգիստ:

-Չէ, չէ, ճիշտ է,- ուշքի է գալիս ամերիկացին:

-Դե եթե ճիշտ է, վեր կացեք, այստեղից գնացեք, Ղարաբաղի հարցը լուծված է,- ասում է Պուտինն ու հարմար տեղավորվում թախտի վրա:

Ինչպես բոլոր հեքիաթներում՝ այդ պահին երկնքից երեք խնձոր է ընկնում.

-Зорий Гайкович, заходите, они уже ушли,- ձայն է տալիս Պուտինը,- Яблоко будете?

Էդ.Ա.