Հունաստանը որոշել է ճանաչել Պաղեստին պետությունը
Դեկտեմբերի 17-ի ուշ երեկոյան Հունաստանի խորհրդարանի արտաքին գործերի և ազգային պաշտպանության կոմիտեն միաձայն հաստատել է հատուկ բանաձևի տեքստը, որով կառավարությանը կոչ է անում ճանաչել Պաղեստին պետությունը: Այդ մասին հաղորդում է ՏԱՍՍ-ը:
Այդ տեքստը կկարդա խորհրդարանի նախագահ Նիկոս Վուցիսը, դեկտեմբերի 22-ին հատուկ պլենար նիստի ժամանակ: Դրան ներկա կլինի նաև Պաղեստինի ինքնավարության նախագահ Մահմուդ Աբասը, որին կփոխանցեն բանաձևի տեքստը: Աբասը ելույթ կունենա սենատի դահլիճում:
Կոմիտեի անդամների կարծիքով` Պաղեստին պետության ճանաչումը կօգնի կառուցողական մթնոլորտ ստեղծել խաղաղության գործընթացի վերականգնման համար:
Կարծիքներ