Ավտովթար Գյումրիում

Հոկտեմբերի 2-ին` ժամը 23.20-ին, տեղեկություն է ստացվել, որ Շիրակի մարզի Գյումրի քաղաքի Գարեգին Նժդեհի և Շարա-Տալյան փողոցների խաչմերուկում տեղի է ունեցել ավտովթար. տուժածներ չկան, առկա է վառելիքի արտահոսք:Այս մասին հայտնում են ԱԻՆ մամուլի ծառայությունից:

Դեպքի վայր է մեկնել մեկ մարտական հաշվարկ:

Պարզվել է, որ «BMW X5» մակնիշի 34 ZC 647 պետհամարանիշով ավտոմեքենան բախվել է ճամփեզրին կայանված «ЛАДА-2106» մակնիշի 04 LL 171, «Toyota Camry» մակնիշի 017 OO 01, «Toyota Corolla» մակնիշի 989 DD 89, «Mazda» մակնիշի 110 VV 10, «Audi» մակնիշի 15 AM 005 և «Audi» մակնիշի 99 OQ 919 պետհամարանիշներով ավտոմեքենաներին. տուժածներ չկան:

Փրկարարներն իրականցրել են ավտոճանապարհի լվացման աշխատանքներ: