Ով է երկու երիտասարդին դանակահարած նորատուսցին
![Ով է երկու երիտասարդին դանակահարած նորատուսցին](https://hraparak.am/uploads/images/2022/03/image_750x_6244525ed31d7.jpg)
Քննչական կոմիտեն այսօր հաղորդագրություն էր տարածել, որ Նորատուս գյուղի բնակիչը կալանավորվել է՝ գիշերային ակումբում երկու երիտասարդի առողջությանը դիտավորությամբ ծանր վնաս պատճառելու մեղադրանքով։
Քննչական կոմիտեի փոխանցմամբ՝ մարտի 16-ին՝ ժամը 05։30-ի սահմաններում Նորատուս բնակավայրի` 2001թ. ծնված բնակիչը Երևան-Սևան ավտոճանապարհին գտնվող գիշերային ակումբի տարածքում, կենցաղային հարցերի շուրջ ծագած վիճաբանության ժամանակ, մարմնական վնասվածքներ պատճառելու դիտավորությամբ, կտրող-ծակող առարկայով հարվածներ է հասցրել Հրազդան քաղաքի բնակիչներ, 22-ամյա երկու երիտասարդներին՝ պատճառելով կտրած-ծակած վերքերի ձևով մարմնական վնասվածքներ։
Միջնորդություն է ներկայացվել դատարան՝ նրա նկատմամբ կալանավորումը որպես խափանման միջոց կիրառելու մասին, ինչը բավարարվել է:
փորձեցինք վնասվածքը ստացած անձի վերաբերյալ տեղեկություն ստանալ գյուղի նախկին ղեկավար Մուրադ Հարությունյանից, սակայն նա նշեց, որ ոչ դեպքի, ոչ էլ դրան մասնակից համագյուղացուց տեղեկություն չունի։
«Հրապարակ»-ը տեղեկացավ, որ ենթադրաբար երկու երիտասարդին առողջության վնաս հասցրել է Նորատուս համայնքի բնակիչ Հովիկ Հակոբյանը։ Ենթադրվում է, որ նա կարող է ազգակցական կամ ինչ-որ կապ ունենալ որպես նորատուսցի հայտնի Բանդուրյանների հետ, բայց մեր աղբյուրները փոխանցեցին, որ միմյանց հետ առնչություն չունեն։
Կարծիքներ