«Սև ամպեր՝ Սպիտակ տան ղեկավարի գլխին»․ իմպիչմենտի բանաձև է ներկայացվել
ԱՄՆ Կոնգրեսի Ներկայացուցիչների պալատի անդամ, հանրապետական Գրեգ Սթյուբին բանաձեւ է ներկայացրել նախագահ Ջո Բայդենին իմպիչմենտի ենթարկելու մասին։
«Բանաձև՝ Միացյալ Նահանգների նախագահ Ջոզեֆ Բայդենին իմպիչիմենտի ենթարկելու մասին՝ ծանր հանցագործությունների և զանցանքների համար», - ասվում է օրենսդիրի կայքում տեղադրված փաստաթղթում, փոխանցում է ՌԻԱ Նովոստի-ն։
Սթյուբին առաջարկում է իմպիչմենտի ենթարկել Բայդենին «իշխանության չարաշահման, կաշառակերության, շորթման, խարդախության» համար, որը, կոնգրեսականի պնդմամբ, կատարել է նախագահը։
Նրա խոսքով, Սպիտակ տան ղեկավարը ներգրավված է եղել իր ընտանիքի անդամների բիզնեսում և գումար է ընդունել օտարերկրացիներից։
Մեկ այլ հոդված, որով պետք է իմպիչմենտ հայտարարվի, օրենսդիրը նշում է «արդարադատության խոչընդոտումը»՝ կապված ամերիկացի առաջնորդի որդու՝ Հանթեր Բայդենի դեմ հետաքննությանը խոչընդոտելու հետ։ Ինչպես նշում է Սթյուբին, «խարդախությունն» իմպիչմենտի երրորդ հոդվածն է, ըստ որի՝ Բայդենը խաբել է ներդրողներին:
Ավելի վաղ Ներկայացուցիչների պալատի նախագահ Քևին Մաքքարթին հայտարարել էր, որ ԱՄՆ նախագահ Ջո Բայդենի և նրա որդու՝ Հանթեր Բայդենի կոռուպցիոն գործունեությանը ենթադրյալ ներգրավվածության մասով հետաքննությունը թելադրում է պետության ղեկավարի իմպիչմենտի նախաձեռնության անհրաժեշտությունը։
Ինչպես նշել է բարձրաստիճան կոնգրեսականներից մեկը, նման ընթացակարգը կընդլայնի ԱՄՆ օրենսդիր մարմնի կարողությունը՝ հավաքելու տեղեկատվություն, որն անհրաժեշտ է ամերիկացի առաջնորդի դեմ հետաքննություն անցկացնելու համար։
Կարծիքներ