Կնոջ քաշի, հասակի եւ կյանքի տեւողության միջեւ կա կապ

Նիդերլանդներում գիտնականների մի խումբ պարզել է, որ կնոջ հասակի, քաշի եւ կյանքի տեւողության միջեւ կա որոշակի կապ։ Այս մասին հայտնում է РЕН ТВ-ն։

Մոտ երեսուն տարվա ընթացքում ուսումնասիրելով մոտ 7 հազար մարդու գիտնականները հետեւել են կամավորների կենսագործունեությանը։ Ընդ որում կամավորները եղել են եւ կանայք եւ տղամարդիկ, 68-70 տարեկան։

Պարզվել է, որ 4161 կանանցից իր 90-ամյա հոբելյանին հասել են 944, որոնք եղել են ավելի բարձրահասակ եւ նիհար։ Հետաքրքրական է այն, որ տղամարդկանց մոտ նման փոխկապակցում չի հայտնաբերվել։

Ուսումնասիրությունները նաեւ պարզել են, որ երկարակյաց են եղել այն կանայք, որոնք իրենց կյանքի որոշակի շրջանում զբաղվել են սպորտով, թեկուզ սիրողական մակարդակում։ Սպորտով զբաղվելը ավելացնում է երկարակեցության հավանականությունը, ըստ նույն ուսումնասիրության, 21 տոկոսով։