«Հակաադրբեջանական քարոզչության հետևանք է»․ Բաքուն մեղադրում է Իրանին
![«Հակաադրբեջանական քարոզչության հետևանք է»․ Բաքուն մեղադրում է Իրանին](https://hraparak.am/uploads/images/2023/01/image_750x_63d3a6a5a0d3a.jpg)
Իրանում Ադրբեջանի դեսպանության վրա տեղի ունեցած հարձակումը ոչ թե անձնական դրդապատճառներով է եղել, ինչպես ներկայացնում է իրանական կողմը, այլ հետևանք «այն հսկայական հակաադրբեջանական քարոզչության», որ իրականացվում է այդ երկրում։
Այս մասին ադրբեջանական լրատվամիջոցներին հայտնել է Ադրբեջանի ԱԳՆ-ի ներկայացուցիչ Այհան Հաջիզադեն։
Պաշտոնյան Թեհրանին մեղադրել է դեսպանության վրա հարձակման պատճառները թաքցնելու մեջ։
Նրա պնդմամբ, վերջին ամիսներին «իրանական լրատվամիջոցներում իրականացվում է լայնածավալ հակաադրբեջանական քարոզչություն, որն էլ խթան է հանդիսացել հարձակման համար»։
«Ամբողջ պատասխանատվությունը կրում է իրանական կողմը», - հայտարարել է Հաջիզադեն։
Հիշեցնենք, որ ուրբաթ առավոտյան Իրանի քաղաքացիներից մեկն ինքնաձիգով մտել է Թեհրանում ադրբեջանական դեսպանություն, կրակ արձակել ու սպանել տեղի անվտանգության աշխատակցին։ Թեհրանի ոստիկանությունը ձերբակալել է հարձակվողին, ապա նաև հայտարարություն տարածել, որ տեղի ունեցածի հիմքն անձնական դրդապատճառն էր։
Կարծիքներ