Անհրաժեշտ է երկար ու զրկանքներով լեցուն ճանապարհ անցնել
Արցախը շրջափակման պայմաններում է դիմավորել Սուրբ Ծնունդը, իսկ այժմ՝ Հարության տոնը՝ մշտապես պատրաստ գործով ու աղոթքով պայքարի: Այս մասին ֆեյսբուքյան իր էջում գրառում է կատարել Արցախի Հանրապետության պետնախարարի խորհրդական Արտակ Բեգլարյանը:
«Ինչպես Քրիստոսի պարագայում, այնպես էլ Արցախի ժողովրդի դեպքում, թերևս, անհրաժեշտ է երկար ու զրկանքներով լեցուն ճանապարհ անցնել՝ ինքնամաքրվելու, զորանալու և վերածնվելու համար:
Վստահ եմ՝ քրիստոնեական սիրով, հավատով ու հույսով մենք կարող ենք հաղթահարել երկրային տատասկոտ ճանապարհը և հասնել քրիստոնեական ու ազգային մեր միասնական նպատակներին:
ՔՐԻՍՏՈՍ ՀԱՐՅԱՎ Ի ՄԵՌԵԼՈՑ.
ՕՐՀՆՅԱԼ Է ՀԱՐՈՒԹՅՈՒՆԸ ՔՐԻՍՏՈՍԻ.
ՇՆՈՐՀԱՎՈ՛Ր ՍՈՒՐԲ ԶԱՏԻԿ, ՍԻՐԵԼԻ՛ ՀԱՅՐԵՆԱԿԻՑՆԵՐ…»։
Կարծիքներ