Վաղը երկրով մեկ սուգ է. իսկ ապագան անորոշ է՝ պայթյունավտանգ. Բեյրութի մեր հայրենակից
Ինչպես արդեն տեղեկացրել էինք, այսօր հզոր պայթյուն է որոտացել Բեյրութի նավահանգստում։ Ուժգին պայթյունը վնասել է նավահանգստից կիլոմետրերով հեռու շենքերն ու բնակարանները։
Նավահանգստին մոտ է հայաբնակ Բուրջ Համուդ թաղամասը, որտեղ եւս մեծ ավերածություններ են եղել։ Անջատվել է էլեկտրականությունը։ Վնասվել են նաեւ հայկական հաստատությունները։
Կան տեղեկություններ, որ պայթյունը որոտացել է պայթուցիկների պահեստում։ Պաշտոնապես զոհվել է տաս մարդ, սակայն զոհերի թիվն ավելին է, քանի որ փլուզված տներում զոհվածների իրական քանակը դեռ հայտնի չէ: «Վաղը երկրով մեկ սուգ է հայտարարվել: Բայց ապագան անորոշ է՝ պայթյունավտանգ: Երկրում ապրողները չգիտեն՝ վաղն իրենց ինչ է սպասվում»,- ասաց Բեյրութում ապրող մեր հայրենակիցներից մեկը:
Հիշեցնենք, որ վնասվել է նաև ՀՀ դեսպանության շենքը, նախնական տվյալների համաձայն՝ ազգութամբ հայ երկու քաղաքացի է մահացել:
Կարծիքներ