Հյուսիսային Կորեան իր միջուկային փորձարկումների կայանը կփակի հրապարակայնորեն

Երկու Կորեաների առաջնորդների պատմական հանդիպման ժամանակ, որը տեղի էր ունեցել նախօրեին, Հյուսիսային Կորեայի առաջնորդ Կիմ Չեն Ընը հայտարարել է, որ մտադիր է Պհունգերիի միջուկային փորձարկումների կայանի պաշտոնական փակումը իրականացնել հրապարակայնորեն՝ լրագրողների մասնակցությամբ, արդեն այս տարվա մայիսին:



Այս մասին հայտնում է Yonhap լրատվական գործակալությունը:



Հրապարակայնությունը, որը կդրսեւորվի միջազգային բոլոր հեղինակավոր լրատվամիջոցների ներկայացուցիչների եւ փորձագետների ներկայությամբ, ըստ Հյուսիսային Կորեայի ղեկավարության մոտեցման, կապահովի գործողության թափանցիկությունը եւ վստահություն կստեղծի միջազգային հանրության մոտ Փհենյանի հանդեպ:



Նշենք, որ մինչ այդ ԱՄՆ հետախուզական ծառայությունները հայտարարել էին, որ կասկածում են, թե Փհենյանը կփակի Պհունգերիի կայանը: