Արցախի նախագահը հրավիրել է ընդլայնված խորհրդակցություն
Արցախի ղեկավար Բակո Սահակյանն իր մոտ հրավիրել է ընդլայնված խորհրդակցություն, որին մասնակցել են իշխանության օրենսդիր, գործադիր մարմինների, հասարակական կազմակերպությունների ներկայացուցիչներ: Այն նվիրված էր պաշտպանության բանակի հետ համագործակցության խնդրին:
ԼՂՀ նախագահի մամլո ծառայության տեղեկատվության համաձայն, Բ. Սահակյանը հայտնել է, որ Արցախի Հանրապետության ու ժողովրդի անվտանգության հիմնական երաշխավորը պաշտպանության բանակն է, որի «մարտունակության բարձր մակարդակը հանդիսանում է տարածաշրջանում կայունության պահպանման եւ հարեւան պետությանը ապակառուցողական քայլերից զերծ պահելու կարեւորագույն գործոններից մեկը»:
Նա ներկաների ուշադրությունը հրավիրել է բանակ-հասարակություն հարաբերություններին եւ առաջարկել այն նոր մակարդակի հասցնել։ Արցախի ղեկավարը պաշտոնյաներին եւ հասարակական կազմակերպությունների ներկայացուցիչներին խորհուրդ է տվել հաճախակի այցելել զորամասեր, տեղում հանդիպումներ կազմակերպել անձնակազմի հետ եւ աջակցություն ցուցաբերել՝ բանակի առջեւ ծառացած խնդիրները լուծելու համար։
Խորհրդակցության ընթացքում քննարկվել է նաեւ քաղաքացիական պաշտպանության խնդիրը: Խորհրդակցությանը մասնակցել եւ ելույթներ են ունեցել ԱԺ նախագահ Աշոտ Ղուլյանը, վարչապետ Արա Հարությունյանը, պաշտպանության նախարար Մովսես Հակոբյանը եւ այլ պաշտոնատար անձինք:
Այն, որ չճանաչված երկրի ղեկավարը պաշտոնյաներին խորհուրդ է տվել հաճախակի այցելել զորամասեր, այս կամ այն կերպ աջակցել բանակին, դա լավ է։ Սակայն, ցավոք, ավանդույթ է դառնում, որ հայ բարձրագույն ղեկավարները, առիթ թե անառիթ, մշտապես շեփորում են մեր բանակի «մարտունակության բարձր մակարդակը», առանց մտածելու, որ դրանով հաճելի թմբիրի մեջ են գցում բոլորիս։ Իսկ հակառակորդը միլիարդներ է ծախսում իր բանակը նորագույն տեխնիկայով զինելու համար։
Արեգ ՎԱՐԴԱՆՅԱՆ
ԼՂՀ նախագահի մամլո ծառայության տեղեկատվության համաձայն, Բ. Սահակյանը հայտնել է, որ Արցախի Հանրապետության ու ժողովրդի անվտանգության հիմնական երաշխավորը պաշտպանության բանակն է, որի «մարտունակության բարձր մակարդակը հանդիսանում է տարածաշրջանում կայունության պահպանման եւ հարեւան պետությանը ապակառուցողական քայլերից զերծ պահելու կարեւորագույն գործոններից մեկը»:
Նա ներկաների ուշադրությունը հրավիրել է բանակ-հասարակություն հարաբերություններին եւ առաջարկել այն նոր մակարդակի հասցնել։ Արցախի ղեկավարը պաշտոնյաներին եւ հասարակական կազմակերպությունների ներկայացուցիչներին խորհուրդ է տվել հաճախակի այցելել զորամասեր, տեղում հանդիպումներ կազմակերպել անձնակազմի հետ եւ աջակցություն ցուցաբերել՝ բանակի առջեւ ծառացած խնդիրները լուծելու համար։
Խորհրդակցության ընթացքում քննարկվել է նաեւ քաղաքացիական պաշտպանության խնդիրը: Խորհրդակցությանը մասնակցել եւ ելույթներ են ունեցել ԱԺ նախագահ Աշոտ Ղուլյանը, վարչապետ Արա Հարությունյանը, պաշտպանության նախարար Մովսես Հակոբյանը եւ այլ պաշտոնատար անձինք:
Այն, որ չճանաչված երկրի ղեկավարը պաշտոնյաներին խորհուրդ է տվել հաճախակի այցելել զորամասեր, այս կամ այն կերպ աջակցել բանակին, դա լավ է։ Սակայն, ցավոք, ավանդույթ է դառնում, որ հայ բարձրագույն ղեկավարները, առիթ թե անառիթ, մշտապես շեփորում են մեր բանակի «մարտունակության բարձր մակարդակը», առանց մտածելու, որ դրանով հաճելի թմբիրի մեջ են գցում բոլորիս։ Իսկ հակառակորդը միլիարդներ է ծախսում իր բանակը նորագույն տեխնիկայով զինելու համար։
Արեգ ՎԱՐԴԱՆՅԱՆ
Կարծիքներ