ԵՊՀ-ն պարզաբանում է TOEFL iBT քննությանն առնչվող խնդիրը
![ԵՊՀ](/images/2012/11/ԵՊՀ-300x199.jpg)
Այս ընկերության կողմից տեխնիկական խնդիրների պատճառների ուսումնասիրության և կարգավորման նպատակով ներկայումս ԵՊՀ-ում TOEFL iBT քննությունների հանձնումը ժամանակավորապես դադարեցվել է: Հարկ է նշել, որ ի հայտ եկած տեխնիկական խնդիրները չեն առաջացել ԵՊՀ-ում TOEFL iBT քննութունը կազմակերպող ստորաբաժանման մեղքով, և առկա խնդիրների վերացումը կախված չէ ԵՊՀ-ից:
TOEFL iBT քննությունների հանձնումը ներկայումս կարևոր է այն երիտասարդների համար, ովքեր ցանկանում են ընդունվել ասպիրանտուրա, քանի որ Հայաստանի Հանրապետությունում, ասպիրանտուրայի ընդունելության կարգի համաձայն, ասպիրանտուրայի դիմորդը ավարտական տարվա ընթացքում պետք է հանձնի քննություն օտար լեզվից, մասնավորապես՝ TOEFL iBT:
Խնդիրը գտնվում է ՀՀ կրթության և գիտության նախարարության ու ԵՊՀ ռեկտորատի անմիջական ուշադրության կենտրոնում, և ներկայումս քննարկվում են խնդրի լուծման տարբերակներ: Ամեն դեպքում ԵՊՀ ռեկտորատը հավաստիացնում է, որ ձեռնարկվելիք լուծումները կբխեն ասպիրանտուրայի դիմորդների շահերից:
Կարծիքներ